Seguridade viaria dos motoristas

Aínda que este vídeo da Fundación Mapfre sobre Seguridade viaria por parte dos motoristas xa ten un tempo, agora que (esperemos ou supomos) achégase o bo tempo, sempre é bo recordar a información básica que temos que ter SEMPRE en mente os que nos subimos a un vehículo de dúas rodas:

Ademáis, o aliciente de ver ao campeonísimo Alvaro Bautista a lombos dunha preciosa Vespa vermella, fan este vídeo máis apetecible.

Vespa & Lambretta dende Culleredo > A Coruña > Galicia > España

Unha nova fichaxe, Lambretta SX 200

O que son as casualidades.

Onte levei o coche da miña sogra a pasala ITV e, despois de entregala documentación (e pagar, por suposto), cando voltaba cara o coche vin chegar un escúter que, xa dende lonxe, empezoume a chamar poderosamente a antención:

¡¡¡ UNHA LAMBRETTA !!!

non mo podía crer, unha flamante SX 200 pola zoa, incrible.

Por suposto acerqueime a falar co propietario e resultou ser un rapaz de Guisamo, que levaba pouco con ela, pero que xa coñecia este blog porque estabase informando do ambente escuterista da zoa, e anque intentei fichalo para acudir ao 1^ro Invernovespa, lamentouse de non poder ir.

Equí tedes varias fotos desta preciosa SX 200, para que podamos disfrutala entre todos:

Pois sé benvenido Chus, tal e como te dixen espero que, en breve comecemos a organizar algo na zoa, do que vos mantendrei informados a tod@s.

Vespa & Lambretta dende Culleredo > A Coruña > Galicia > España

Presentovos: a un xoven scooterista

O outro día paseando por Coruña, atopeime con esta restauradísma PK azul e branca, cuns detalles clásicos admirables:


A pintura está perfecta e o pintar as lamias no mesmo azul para que contraste cos neumáticos de banda branca é un exercicio de estilo perfecto:


E o máis destacable desta restauración é que, segundo puiden saber, o seu propietario ten escasamente vinte anos, algo menos que a súa montura.


Dá gusto ver que as novas xeracións conservan o espírito clásico destas entrañables máquinas.


Menos mal que eu teño ao meu fillo Bruno que sempre se fixa, do mesmo xeito que eu, na "Nespa como a de papá".


Vespa & Lambretta dende Culleredo > A Coruña > Galicia > España

Preséntovos: Unha Lince en extinción

Fai tempo que a via circulando pola cidade e non conseguía cazala, xa sabedes cos felinos son moi escorredizos e, neste caso, esta Lince fai honor o seu nome.


Esta Lambretta (modelo SX-200) foi bautizada acertadamente co nome de Lince xa que, ó igual co animal, encontrase en perigo de extinción.


A pesar de ter "só" vintedous aniños, o cachorriño podese considerar claramente un clásiquisimo.


Anotada queda para cando nos organicemos no area metropolitana Ártabra (entereime o venres como a queren chamar, que un pouco máis, senon chega a ser porque mo dicen, non sei nin onde vivo).


Por certo, esta Lambretta en cuestión e dun veciño de Abegondo, saudos a todos eles.

Vespa & Lambretta dende Culleredo > A Coruña > Galicia > España

Presentovos: a PK dun veciño

Hoxe tráiovos esta preciosa PK 75 do ano 1.990, dun veciño meu.


Polos anos que ten non pode ser considerada aínda clásica, pero está moi ben encamiñada a conseguilo.


Desde o primeiro día que a vin diante do meu portal xa me chamou a atención (a fin de contas é unha Vespa), pero por aquel entón estaba pintada en negro, e bastante deixada, pero agora, desde que a pintou con este precioso ton vermello co detalle da tira de cadros, a verdade é que quedou a mar de vistosa.


Dá gusto ter veciños así, agora o que fai falla é empezar a xuntarnos varios para tratar de organizarnos e facernos notar.



NOTA MENTAL: Non podo ter tanto tempo os post preparados porque senón pásame como neste caso, que fai case un mes que non a vexo aparcada diante do meu portal e, sinceramente, espero que sexa porque a garda nunha garaxe próxima.

Vespa & Lambretta dende Culleredo > A Coruña > Galicia > España