Vespulpada 2103 en Lugo (onde se non)

Un ano máis o Golfos Artabros Escuter Clube ímonos a cumprir unha tradición centenaria, ir xanatalo polbo ás festas do San Froilán en Lugo. Así levamos facendo varios anos e xa se converteu nunha costume esperada por moitos, isto conformou o que vimos chamando Vespulpada e, por suposto, está todo o mundo invitado a acompañarnos. A cita é o vindeiro domingo día 13 e sairemos da zona do Temple-Cambre sobre as 11:30 horas para facer a primeira parada, e reagrupamiento dos chegados da zoa de Ferrolterra, sobre as 12:00 horas en Betanzos. Continuaremos camiño de Lugo pola N-VI e esperamos facer a outra parada clásica na localidade de Baamonde-Begonte (Lugo) sobre as 13:30 horas. O xantar esta previsto ás 15:00 horas no restaurante Fonte do Rei I (Avda. de Madrid, 5) e alli temos previsto o seguinte menú: Primeiro: Choquitos á parrilla,luras á romana,e setas á plancha. Segundo: Pulpo con cachelos Incluíndo bebida, sobremesa a elixir,cafes e chupitos O prezo é de 20 euros por persoa e abonarase alí mesmo. Agradeceriámosvos a todos os que vos apeteza acompañarnos que nos avisásedes para reservar para todos os comensais, grazas. Teneis toda a información en Facebook no evento creado a tal fin. Xa sabedes o que din, para xantar Lugo e alí veremonos .... Vespa & Lambretta dedde Culleredo > A Coruña > Galicia > España

Unha "pepa" enterrada no xardín

Iso é precisamente o que teñen no xardín da cervecería Tia Pepa, unha Vespa GS, enterrada, pola súa banda traseira.

Mágoa de non levar un martelo pneumático no peto....

Vespa & Lambretta dende Culleredo > A Coruña > Galicia > España

Outra cervexa mod...

Xa que noutro post anterior vos falara da cervexa Spitfire, hoxe tráiovos outra cervexa mod a Blackwater Mod:

aínda que esta foi máis ben unha edición especial da cervexa Blackwater, coa definición Mod, de Agosto de 2010.

Podedes ver mais edicións especiais da cervexeira Salopian neste enlace.

Doutra banda, e xa que falamos de cervexas, a partir de hoxe (incluído), o Golfos Artabros Escuter Clube, reunirémonos TODOS Os XOVES, a partires das 21 ou 21:30 h, no Creedence Rock.

un local moteiro cunha boa carta de cervexas, onde seredes ben recibidos por Leo e Isi, que vos tratarán como un máis da familia ...

está situado na rua manuel Murguía 32 - A Coruña, xusto enfronte do estadio de Riazor

todo aquel que lle apeteza coñecernos e compartir un intre connosco alí estaremos.

Un saúdo e como din os amigos do Creedence Rock...

V's e birras para todos....

Vespa & Lambretta dende Culleredo > A Coruña > Galicia > España

Vespa, de Arly Jones, no Bristol Bar (A Coruña)

Onte, mentres gozaba do martes choqueiro da Coruña tomeime algo no Bristol Bar (C/Torreiro)

e cal foi a miña sorpresa ao ver esta ilustración:

Mergullando un pouco sobre o seu autor resulta que é unha ilustración de Arly Jones, "un alacantino que realizou estudos de Deseño gráfico e Moda na Escola de Artes e Oficios de Valencia. Os seus traballos foron múltiples e de diversa consideración dende cabeceiras, litografías e postais ata deseños en estudos de arquitectura e axencias de publicidade. Realizou aparicións en revistas como "I+D", The Face, Vogue, Woman e moitas outras máis. A sorte cambioulle aínda máis cando un bo día Xavier Mariscal fixouse nel e decidiu contar cos seus traballos para un dos seus grandes proxectos. Tratábase da película de animación "Chico e Rita", na que xunto ao cineasta madrileño Fernando Trueba relata a historia de amor de dous músicos, unha cantante e un pianista, que empeza nos anos 40 na Habana e transcorre ata os nosos días. A película conta con máis de 125.000 ilustracións ..."
(Fonte: Blogue Sipassita)

+ info:

- ArlyJones.com
- Bristol Bar no Facebook
- Blogue Sipassita aquí pinto yo ... y tú)

Eiquí tendes outros exempros vespistas da sua obra:

Vespa & Lambretta dende Culleredo > A Coruña > Galicia > España

L'Italiano na Coruña

L'Italiano é un novo local de restauración, que se inaugurou o pasado 28 de outubro, e que se atopa na zoa de Riazor na Coruña.

Dentro das súas actividades organiza cursos de cociña alternativa para amantes do xantar sá e polo seu nome, enténdese, que son pratos da gastronomía italiana.

O cartel ten algo que me chamou (non sei que será, jaja):

Abren, fóra dos Luns e os Domingos pola tarde, todolos días cun horario de 13:00 h a 16:30 h, pola mañá e de 19:30 h a 23:30 h, polas tardes.

Está situado en:

Rua Mª Luisa Durán Marquina 12 baixo (Riazor)
A Coruña, Spain 15011

E para porvos en contacto con eles:

981268053
litaliano.coruna@gmail.com

Seguideos en Facebook: L'Italiano A Coruña

Co que me gusta a min a comida italiana creo que non tardarei demasiado en visitalos...

Vespa & Lambretta dende Culleredo > A Coruña > Galicia > España

Accidente en Ourense no cafe Sil

O pasado xoves produxose un accidente no centro de Ourense, onde un coche estrellouse contra un bar e lesionou de gravidade a un peón.

Isto non pasaría de ser unha nova máis de tráfico se non fora porque o bar en cuestión é a cafetería Sil, "sede" dos amigos Avispados (Clube Vespa-Lambretta Clásica) de Ourense.

Casualidades da vida, fai dous domingos estiven alí tomando café e a dona estívome ensinando e preguntando que me parecía o novo vinilo que acababa de por nunha das fiestras:

Ánimo e tranquilos, que os danos materiais arránxanse...

Tendes a noticia compreta nesta ligazón de La Voz de Galicia.

Un saúdo a tod@s eses amigos Avispados.

Vespa & Lambretta dende Culleredo > A Coruña > Galicia > España

Festas na miña casa - Vilaboa 2009

Esta fin de semana celebranse as festas de verán de Vilaboa - Culleredo e con ese motivo os amigos do Moto Clube Culleredo organizan, por segundo ano consecutivo, unha concentración moteira, no campo da festa, o sábado ás 18:00 horas, á que espero asistir.

Tal e como me dixeron, despoís faremos unha ruta polas parroquias de Culleredo e, aproveitando que tamén hai festas en Peiro, faremos alí unha paradiña (e fonda).

Ao voltar ao campo da festa, en Vilaboa, esperannos uns pichos de empanada.


Invitovo a todos/as a acompañarnos nesta volta polas parroquias do concello de Culleredo.

Vespa & Lambretta dende Culleredo > A Coruña > Galicia > España

Onde quedar: Locais scooteristas

Sempre hai sitios onde quedar cos amigos para tomar unhas cervexas, pero se estes lugares son, ademais, do culto scooterista, tanto mellor.

Xa vos presentei no seu día a cervexaría Vespa en Arteixo, agora dispóñome a descubrir esoutros lugares que teñen relación, de algun modo, co mundo scooterista.

E comezamos cos máis próximos.

Fai un tempo estiven en Vigo, no pub "Garaje Torroso", na rua Areal, 18 e tenian nun altiño, entre outras ¡¡¡UNHA VESPA DE FARO BAIXO!!!, a foto non é de gran calidade e non se pode apreciar ben pero non atopei outra:

Postos a desprazarnos podemonos atopar con esta preciosa Lambretta que decora a marquesiña do Bar A Barbacana en Ávila

Pero para precioso, o tirador de cervexa do SCOOTERS CAFE and LOUNGE, tamén en Vitoria

(Imaxe cortesía dos amigos do Vespa Club Vitoria)

+ info:
Web SCOOTERS CAFE and LOUNGE
R/ Portal del Rey, 3 Vitoria (Google Maps)

Ainda que as comparacións son odiosas, atopei esta imaxe dun tirador de cervexa creo que insuperable:

Supoño que será dalgún club austríaco (pola bandeira do fondo).

Vespa & Lambretta dende Culleredo > A Coruña > Galicia > España

Onde quedar: Cervexaría Vespa

Tal e como vos comentei nun post pasado, cando tiven o incidente co mosquito kamikaze, andaba a procura da Cervexaría Vespa en Arteixo e encontraraa pechada a cal e canto, pero resulta que ¡ESTABAN DE VACACIÓNS!.

O venres acerqueime ata alí e teño que dicirvos que e un local, como diría eu, con encanto.

Non se pode dicir que sexa moi grande, pero no seu reducido espazo ten suficentes elementos para convertila nun santuario scooterista, principalmente este:

Unha Vespa 160 do ano 1.964, que según me dixo o dono do local, Luis, restaurouna especialmente para poñela alí.

O ambiente do lugar é similar a calquera tasca dun pobo de toda a vida, isto e, a familiaridade coa que me trataron non se pode explicar.

Dende preguntarme as mil e unha sobre a miña 160, ata contarme batalliñas de cando eran eles máis xovenes, historias da mili, de carreteras imposibeis e dos viaxes Carballo-Ferrol de case TRES horas riba dunha Vespa.

A verdade e que pasei un bon rato na compaña desta boa xente e, o que teño ben clariño e que esta velada non será a última e que a Cervexaría Vespa, de agora en diante, convertirase en parada case obligada para repostar, o corpo.

Un saudo a Luis, o dono.

Tentarei convencerte para que baixes a 160 de ahí e poidas voltar a facerlle quilómetros, xa sexa por Arteixo coma por toda a comarca.

Vespa & Lambretta dende Culleredo > A Coruña > Galicia > España