Feliz Ano Novo

Quero aproveitar a ocasión para desexarvos unhas felices festas e unha boa entrada de ano, e ademais pedirvos perdón por este mes que vos tiven un pouco abandonados, pero foi un mes bastante leado...

O ano que vén haberá que empezar con forzas renovadas....

Vémonos no 2012 !!!

Vespa & Lambretta dende Culleredo > A Coruña > Galicia > España

Vespa Special, o single orixinal

Acabo de incrementar a miña colección de frikadas escuteristas cun clásico, un cd-single orixinal da canción Vespa Special interpretada por Luna Pop.



O cd-single contén a canción na sua versión orixinal (italiano), en castelán en italiano en directo e en versión instrumental.


A colección suma e segue ....

Vespa & Lambretta dende Culleredo > A Coruña > Galicia > España

Neceser escuterista

Xa me van coñecendo e saben o friki que son coas cousas escuteristas, así que o outro dia, un bo amigo, regaloume este neceser:

Moitas grazas Tony, que grande es !!!

Vespa & Lambretta dende Culleredo > A Coruña > Galicia > España

Humor francés da época

Un pouco machista paréceme, pero bo, ten a súa graza (e o seu parte real claro):

"Finalmente Chantal , vaste con Gerard ...

e á mantenta, que ten el que non teña eu?

Catro rodas en lugar de dous, querido!"

EsEsta é a cruz que levamos os escuteristas ....

Vespa & Lambretta dende Culleredo > A Coruña > Galicia > España

Fábrica de Azúcar, un novo referente en restauracións

Desde o pasado luns arrincou un novo proxecto firme (que xa levaba un tempo fraguándose) na provincia de Pontevedra.

Uns artesáns en restauración de motos antigas, Fabrica de Azucar, que eles mesmos se definen:

"Fábrica de Azucar é unha empresa dedicada á Artesanía en Motos Clásicas, onde en cada unha das motos conxúgase a excelencia nos coñecementos mecánicos cunhas terminacións de alta calidade, que fan lucir ás motos como na súa primeira matriculación.

Segundo a Wikipedia:

"A artesanía é un termo medio entre o deseño e a arte. Para outros é unha continuación dos oficios tradicionais, nos que a estética ten un papel destacado pero o sentido práctico do obxecto elaborado é tamén importante."

A diferenza doutros talleres mecánicos, coas restauracións realizadas en Fábrica de Azucre, obterás motocicletas únicas e irrepetibles posto que cada unha delas leva incorporada a sabedoría e personalidade do equipo de artesáns-restauradores.

Grazas a este proceso de restauración artesán, única garantía de calidade nas restauracións, poderás se o desexas personalizar algúns aspectos da moto. Todo o proceso faise paso a paso e de modo manual, xa que logo pódense introducir personalizaciones ao longo do mesmo."

Eiquí tendes algunhas das máquinas que xa puidemos gozar nalgunha concentración:

Sorte Jesús, espero que vos vaia o mellor posible ....

+ info:

- FabricaDeAzucar.com

Vespa & Lambretta dende Culleredo > A Coruña > Galicia > España

6 anos de posts ...

Hoxe en Vespa & Lambretta Culleredo cumprimos 6 anos...

582 post, con máis de 141.000 visitas, son bastantes como para pensar que parece que fixen as cousas un pouco ben.

Esta tempada teñovos un puoco abandoados por distintos motivos pero prometo votar pronto con novos temas e novidades.

Grazas a todos por estares ahí !!!

Vespa & Lambretta dende Culleredo > A Coruña > Galicia > España

Vespa Quarantasei

A Vespa 46 é a proposta máis futurista da marca presentada no EICMA 2011, 69º Salón Internacional da Motocicleta, que se celebrará en Milan do 10 ao 13 de novembro:


Segundo aparece na web da EICMA:

"Máis de 17 millóns de vehículos vendidos en todo o mundo, pero o atractivo da Vespa parece que nunca acaba. Sempre futurista, do mesmo xeito que o prototipo MP6 que deu lugar á scooter máis famoso do mundo e agora, décadas máis tarde, converteuse nunha fonte de inspiración para a creación da Vespa Quarantasei (Piaggio presentou no EICMA 2011). Unha emocionante mestura da tradición e a innovación citas e as proxeccións que fan que se converta nun imán para a atención. Un estilo único, polo tanto, senón tamén unha gran cantidade de tecnoloxía ecolóxica: o motor monocilíndrico de 125 cc refrixerado por aire, alimentado con inxección electrónica de combustible, é capaz de combinar o rendemento, fiabilidade, seguridade e respecto ao medio ambiente. Os datos técnicos indican unha potencia de 8,7 kW a 8.250 rpm para a versión de 125 cc e 9,7 kW a 8.000 rpm para a versión de 150 cc. Vespa Quarantasei producirase antes de finais de 2012"

Consideradase máis bonita ou máis fea, pero teño que recoñecer que este novo proxecto non vai deixar indiferente a ninguén ....

Vespa & Lambretta dende Culleredo > A Coruña > Galicia > España

Tintin ... outro escuterista máis

Despois da estrea da nova película de Steven Spielberg, As Aventuras de Tintin, O segredo do unicornio, veume á mente estas dúas imaxes do pequeno aventureiro montado nunha escúter.

Primeiro un adhesivo máis actual da imaxe de Tintín:

e esta pertencente a un cómic do ano 1956:

Espero ir vela pelicula pronto, mentres tanto podemos gozar do trailer:



+ info:

- Tintín na Wikipedia
- Para descubrir Tintín

Vespa & Lambretta dende Culleredo > A Coruña > Galicia > España

Outra da DXT, para mexar e non botar pinga

Xa vos falaba fai uns dias da película Larry Crowne, na que viamos a Tom Hanks e Julia Roberts montando unha escúter:

Pois ben, tal e como puiden ler en La Razón:

"A DXT multa a Tom Hanks e a Julia Roberts por ir en moto sen casco

A Dirección Xeral de Tráfico (DXT) impuxo unha multa de 30.000 euros á produtora Tripictures, que sacou no cartel publicitario da película 'Larry Crowne' aos seus protagonistas, Tom Hanks e Julia Roberts conducindo unha moto sen casco, por "promocionar condutas temerarias", segundo confirmaron a Europa Press fontes da DXT.

A Lei de Tráfico prohibe expresamente no seu artigo 52 "a publicidade en relación con vehículos a motor que ofreza na súa argumentación escrita ou verbal, nos seus elementos sonoros ou nas súas imaxes, incitación á velocidade excesiva, á condución temeraria, a situacións de perigo" ou calquera outra circunstancia que supoña unha conduta contraria aos principios da Lei.

Tal e como explicaron fontes de Tráfico, a DXT, en atribución das súas competencias, realiza habitualmente "un seguimento da publicidade que se fai sobre calquera asunto", non exclusivamente a relacionada cos coches, para asegurarse do cumprimento deste artigo da lei e que os publicistas non usan comportamentos que fomentan actitudes contrarias á seguridade viaria para as súas campañas.

Así, a multa a Tripictures, que pode ser recorrida agora pola produtora, é rechamante polos protagonistas da campaña, Tom Hanks e Julia Roberts, pero non é unha excepción. Desde 1985, data na que se estableceu esta prohibición, a subdirección xeral de Formación para a Seguridade Viaria da DXT, que ten entre as súas funcións o control da publicidade, tramitou 230 expedientes.

A estes expedientes hai que engadir as cartas de apercibimiento que a DXT envía nos casos máis leves aos anunciantes para comunicarlles que están fomentando determinadas condutas que poden ser prexudiciais para a seguridade viaria, e no outro extremo, as cartas de agradecemento que se envían desde Tráfico a outros anunciantes que promoven o cumprimento da lei.

No caso da película de Tom Hanks e Julia Roberts, a imaxe que provocou a multa é a dos dous protagonistas subidos a unha motocicleta sen cascos, seguidos dunha multitude de moteiros cos seus cascos e as luces acesas. A DXT argumenta que este tipo de imaxes son innecesarias, xa que igualmente poderíase pór a Tom Hanks e Julia Roberts con cascos ou sen eles, pero desmontados da motocicleta, para evitar dar unha imaxe negativa.

Na súa última campaña de concienciación de motoristas, en xuño deste ano, a DXT xa advertiu de que, a pesar de que descendeu significativamente as porcentaxes de non utilización de casco desde 2003, aínda hai unha pequena porcentaxe de motoristas que non fan uso deste sistema de seguridade. Os usuarios de motocicletas falecidos no ano 2009 na estrada que non utilizaban casco foi do 3 por cento; en zona urbana, esa porcentaxe elevouse ao 13 por cento.

A obrigatoriedade de usar o casco ten un motivo. Tres de cada catro motoristas falecen a consecuencia de feridas na cabeza; que o risco de sufrir unha lesión cerebral multiplícase por tres, se o condutor ou pasaxeiro de motocicleta non leva posto o casco e que co uso do mesmo, a probabilidade de saír ileso aumenta nun 20 por cento, o uso do casco non é unha opción, senón unha necesidade. "

Pois o devandito, para mexar e non botar pinga, esta vez a DXT se que non tivo nin que pór un só radar en funcionamento para engordar as súas arcas cun bo tanto....

Vespa & Lambretta dende Culleredo > A Coruña > Galicia > España

Halloween??? Non, hoxe millor celebramos o Dia de Mortos...

A tradición do Halloween (que naceu do Shamaín celta) foi importada poo vistoso que nolo pintan os estadounidenses, pero eso non quita que noutras culturas se siga celebrando as suas propias tradiciós.

"O Día de Mortos é unha celebración mexicana de orixen prehispánico que recorda aos defuntos o 2 de novembro, comeza o 1 de novembro, e coincide coas celebraciós católicas do Día dos Fieis Defuntos e Todolos Santos"

Así que este ano prefiro facer mención a esta Vesp-celebración:

Vespa & Lambretta dende Culleredo > A Coruña > Galicia > España

Bruno Mars vespeando

Curioso este video de Bruno Mars con Travie McCoy no que pregoan : " ♪♫♪ ... Quero ser millonario, deséxoo moitísimo ... mercarme todo o que nunca tiven ... ♫♪♫ "


e dentro das cousas que lle gustaría mercar, como non, unha Vespa:

Xa vedes, artigo de luxo reservado a millonarios jajajjaja

Vespa & Lambretta dende Culleredo > A Coruña > Galicia > España

Vintage & Coffee na Coruña

Qué é Vintage & Coffee? Tal e como din na sua web:

"Vintage & Coffee

É unha tenda de roupa e mobiliario vintage na Coruña.

Un espazo singular que conta cun ambigú exclusivo para clientes.

Un desafio ao copy/paste actual cun proxecto innovador e diferente.

Con pezas orixinais desde os anos 50's en diante e tamén complementos.

E, ademais, moble auxiliar e pezas decorativas con carácter, para petos intelixentes."

E, eu engado, que con moi bo gusto, sobre todo con este cartel que fixeron:

+ info:

- Na sua web Vintage & Coffee
- No seu perfil no Facebook

Vespa & Lambretta dende Culleredo > A Coruña > Galicia > España

Terceira e derradeira etapa do Camiño de Santiago

O mércores pasado realicei a derradeira etapa do Camiño de Santiago, desde León ata Santiago.

Esta etapa pódoa definir como preciosa, e non só porque discorra case completamente pola miña terra senón porque as estradas son con multitude de curvas o que lle confiren un caracter máis divertido á ruta.

Non se pode deixar de parar en Astorga (León) para gozar da súa catedral e do Palacio Gaudí:

Outra bonita estampa podémola atopar no alto do Cebreiro (Lugo), lugar comeza o tramo galego do camiño, no que podemos gozar dunhas tradicionais pallozas:

E o destino final, Santiago de Compostela, coa súa espectacular catedral:

Conseguido!!!!

Foi toda unha experiencia totalmente recomendable...

Noutro momento fareivos un balance resumen do que foi esta marabillosa viaxe...

Vespa & Lambretta dende Culleredo > A Coruña > Galicia > España

Segunda etapa do Camiño de Santiago

Hoxe a xornada foi percorrendo un pouco máis de distancia, a etapa foi Logroño - León.

Poderiamos dividila en duas partes, a primeira bastante boa e entretida que me levou desde Logroño ata Burgos

A segunda parte foi un pouco máis monótona, xa que as tremendas rectas da N-120 perdíanse no horizonte, do mesmo xeito que os campos de cultivo que había aos seus lados, e, xa non sei se foi beneficioso ou non, pero encima ía só pola estrada.

Unha preciosidade o mosteiro de San Zoilo en Carrión de los Condes:

Esta segunda etapa fíxena coincidir con 11 etapas a pé:

Logroño - Nájera - Sto. Domingo de la Calzada - Belorado - Agés - Burgos - Hontanas - Boadilla del Camino - Carrión de los Condes - Terradillos de Los Templarios - El Burgo Ranero - Mansilla de las Mulas - León

Bo pois mañá última etapa e espero chegar a Santiago sen ningún contratempo.

Vespa & Lambretta dende Culleredo > A Coruña > Galicia > España

Primeira etapa do Camiño de Santiago

Superada!!!

Comezando en Roncesvalles:

e rematando en Logroño:

A etapa de hoxe foi curta pero intensa, pero tendo en conta que saín de Logroño pola mañá ao final fíxenme o camiño dúas veces, total máis de 300 kms.

A N-135, que é a que leva de Pamplona a Roncesvalles, é unha auténtica pasada, curvas e máis curvas para gozar da estrada e encima o ter que pasar dous portos de montaña foi unha gozada.

O resto do camiño foi pola NA-1110, que é unha boa estrada para gozar, sen nada de tránsito e pasando por pequenos e peculiares pobos.

A etapa de hoxe foi coincidindo coas 6 primeiras do camiño que se fai a pé:

Roncesvalles - Zubiri - Pamplona - Puente la Reina - Estella - Torres del Rio - Logroño

Pois nada, mañá máis ...

Vespa & Lambretta dende Culleredo > A Coruña > Galicia > España

Camiño de Santiago en Vespa

Aproveitando uns dias de vacacións voum facer o Camiño de Santiago na miña TX 200, desde Roncesvalles.

Mañá arranco para pasala noite en Santander, para facer escala para o domingo poder chegar a Roncesvalles e comenzalo camiño de retorno a Santiago.

Xa vos irei contando dia a dia que tal vai a ruta...

Vemonos ...

Vespa & Lambretta dende Culleredo > A Coruña > Galicia > España

Vespa ou caracol??

O pasado sabado, os amigos do Vespa Club de Lleida organizaron a sua 2ª Vespacaragolada (caracolada) e iso recordoume esta imaxe que tiña almacenada fai un tempo:

Unha mutación de Vespa a caracol, curioso verdade???

Vespa & Lambretta dende Culleredo > A Coruña > Galicia > España

Fotos da 3ª Vespapulpada

O pasado domingo 2 de outubro o Golfos Artabros Escuter Clube, fómonos a Lugo a gozar en grao sumo típico das festas de San Froilan, degustar un suculento polbo.

27 famentos escuteristas na 3ª Vespapulpada, que aguantamos as altas temperaturas con máis ou menos alegria e ao final, un baño no Miño, sempre senta ben.

Eiquí tendes o resto das fotos:



Vespa & Lambretta dende Culleredo > A Coruña > Galicia > España

Colección de miniaturas Vespa

Despois de un tempo na que esta colección de miniaturas de varios modelos de Vespa, foi regalada por distintos xornais de España, chega a Coruña, da mano de La Opinión, esta colección de 14 modelos.

A partires deste Xoves día 6 ...

Vespa & Lambretta dende Culleredo > A Coruña > Galicia > España