Manel Cráneo, debuxante coruñés

Hoxe, lendo La Opinión de A Coruña, resulta que regalan unhas láminas de ilustracións da colección "A Coruña mirada con arte", e mañá tocalle o turno a esta imaxe:

O debuxo é de Manel Cráneo, un xove debuxante coruñes, e segundo dixo, trataba de representar ás tribus urbanas que se xuntaban, nos anos oitenta, no Paseo do Parrote.

Obviamente ao ver o escúter debuxado entroume a curiosidade por descubrir a este paisano debuxante e, tras unha pequena consulta, vin que non era o primeiro escúter que debuxaba.

Esta imaxe podese ver na su web:

E esta é do seu blog:

+ info:

- Na súa web manelcraneo.com

- No seu blog Manel Cráneo

- Noutro blog seu: Craneo Mortem

- E outro blog máis: Planeta Mincha: Estudios geográficos

- Se queredes máis información sobre a sua biografía: cultura galega.org

Vespa & Lambretta dende Culleredo > A Coruña > Galicia > España

Definición de scooter, segundo a RAE

Acabo de quedar alucinado, consultando o avance da 23.ª edición do dicionario da Real Academia Española de la lengua (RAE), deume por mirar a definición de scooter:

e resulta que esa entrada foi enmendada:

poñendo como nova definición a ese tipo de vehículo:

¡¡¡Alucinante!!!

Xa non temos scooters, temos única e exclusivamente vespas, é igual a marca, repito, simplemente

¡¡¡Alucinante!!!

Os "velliños" da RAE, deben de pensar que e a única marca que existe e existíu de scooters.

Eu non digo que non se acete "Vespa" como sinónimo de scooter, pero dicir que esta última e unha voz inglesa e a "tradución" ou "interpretación" en castelán é só "vespa" pareceme inaudito.

Un punto negativo para a RAE, por facer unha modificación como esta sin ter en conta ao resto de marcas comerciais, que obrigalles a seguir utilizando a "voz inglesa" de scooter, para facer mención a este tipo de vehículos e así evitar esta "públicidade subliminal gratuita" da marca Vespa.

Dende aquí lles ofrezo unha proposta maís castiza, como pode ser a castelanizada "escúter". Pero eu de lingua non sei nada, eu "son de cienzas".

Vespa & Lambretta dende Culleredo > A Coruña > Galicia > España



PD: Despois de consultar na Wikipedia o término "scooter", di "Un escúter (do inglés scooter), chamado motoneta nalgúns países de América ...", facendo unha chamada ao pe de páxina que di: "Diccionario Panhispánico de Dudas, escúter, ortografía proposta para o que o Dicionario da Real Academia Española denomina scooter".

En dito Dicionario Panhispánico de Dudas, aparece:



¿Que pasou, dende Otubre de 2005, para que non tomaran como tradución válida, para a nova edición do dicionario da RAE, do conceto "escúter"?

Quen sabe...

Decorando as novas tecnoloxias

Xa que en anteriores post puxen a vosa disposizón opcions para decorar "polo interior" os vosos móbiles, agora vos presento a posibilidade de decoralos polo exterior.

Encontrei en FIX:IT, uns adhesivos de vinilo para decorar teléfonos móbiles, iPod, videoconsolas, portátiles e ata modem usb.

Que vos parece este precioso deseño:

E aplicado nun móbil quedaría tal que así:

Nunha Nintendo DS Lite:

E nun ordenador portátil:

Segundo din na páxina de Fix:it: "Todos os nosos adhesivos están feitos á medida exacta do terminal, adaptándose a el perfectamente. Sinxelos de pór e quitar, non deixan residuo algún, protexen ao terminal de arañazos e golpes. Ademais, unha vez postos: ¡Vense xenial!"

Outro deseño que tamén me gustou moito, e a coñecidisima diana mod:

E a verdade e que se adata perfectamente a calquera aparato, ista Game Boy Advance SP vese de morte:

E facendo a rimaxe fácil, "un deseño mod para decorar un iPod":

Vespa & Lambretta dende Culleredo > A Coruña > Galicia > España

Isto ... dous temas máis

Xa que nun post anterior, puxenvos unha ligazón para descarregar dous temas que preparei para nokia, agora toca o turno aos archivos de tema doutras duas marcas, pero iso sí, co mesmo común denominador, as nosas queridas Vespas:

O primeiro e para Sony-Ericsson, e quedaría tal que así:







Podedes descarregar o tema dende esta ligazón.

Do tema para os móbiles Motorola, que podedes descarregar nesta ligazón, non teño imaxes xa que o fondo de pantalla e igual á primeira imaxe que vos puxen antes.

Espero que os disfrutedes.

Vespa & Lambretta dende Culleredo > A Coruña > Galicia > España

Máis fotos da última saida

Xa terminei de subir as 83 fotos que sacou Gerardo na saida do pasado sábado, así que eiquí vos poño unha ligazón ao albúm Picasa para o voso "desfrute e regocixo":

Saida 15-nov fotos Gerardo

Vespa & Lambretta dende Culleredo > A Coruña > Galicia > España

Fotos da saída do sábado

Ao final, o sábado, fixemos unha pequena ruta dende Sada ata Coruña, cunha paradiña nos acantilados de Seixo Branco en Mera, onde saquei esta foto:

Despois continuamos a ruta, para rematar diante do Faro de Hércules. Con esta foto deixamos constancia da nosa presencia:

Máis fotos da salida neste albúm Picasa:

Saida dos coruñeses 15_novembro

Tedes a crónica compreta da saida no foro de Vespeinados.com

Vespa & Lambretta dende Culleredo > A Coruña > Galicia > España

Este sábado hay outrora saída

Pois si, este sábado 15 de novembro, os scooteristas ártabros volvemos xuntarnos para realizar uns quilómetros de ruta.

En principio e se ninguén di o contrario, sairemos de Sada ás 10:00 horas, así que todo o que se queira animar está invitado, ofrécese:

- Cafetiño para empezar ben a mañá.
- Anos de antigüidade que achegan as nosas scooters (e nós claro que xa imos para unha idade que ...)
- Boa compañia e calor humana (si si, pero que corra o aire)
- E ao chegar a Betanzos, que menos que unhas tapiñas de despedida.

O dito, todo o que se queira "axuntar" será ben recibido.

Un saúdo.

+info no foro Vespeinados.com

---

PD: Deime conta que utilicei o cualificativo de "artábros" nalgunha que outra ocasión e creo que non expliquei porqué.

Segundo lin non fai moito, nun artigo en Celtiberia.net titulado "Teorías sobre A Coruña, e os seus primitivos poboadores", o cal dicía:

"(...) Estrabón dános bastantes nomes de tribos establecidas en Gallaecia. Só nomeou algunhas delas, as máis importantes ou as máis destacadas. A tribo máis importante que nos sinala é sen ningunha dúbida a dos Artabri ou Arrotrebae que é o outro nome que se lle dá (...) esta primeira designación é a que nos dan outros autores clásicos como Posidonio, Mela, Silio Itálico e Ptolomeo (...) Se se fai referencia ao Céltico Antigo Común, o etnónimo dos Artabri podería significar "do Norte". Serian entón "os do Norte" o que xeograficamente é certo "

Gustoume a idea de recuperar ese cualificativo para os scooteristas do Norte e xa que en Galicia temos moi arraigada a nosa identidade celta, que menos que facerlle unha chiscadela á historia e autoproclamarnos

SCOOTERISTAS ÁRTABROS

en honor os celtas.


Vespa & Lambretta dende Culleredo > A Coruña > Galicia > España

Crónica da saída a Ferrol e o ExpoClásicos

Finalmente a saída reduciuse a tan só tres intrépidos scooteristas do Norte (Ricardo, Fernando e un servidor), outros bos quedaron nas pavías das sabas brancas, pero haberá outros dias, non vos preocupedes.

A ruta foi de fábula dende Sada ata Ferrol, nas subidas teniamos que esperar un pouco por Ricardo, que se achegou coa 125L pero mantivemos un bo ritmo.

Despois de visitar o ExpoClásicos, fomos ata a praia de Doniños a que Ricardo cambiase de montura, (a 125L pola P200), xa que decidiron acompañarme un tramo de regreso.

Tal e como era de esperar, chegou a tan temida choiva e, en apenas 15 quilómetros, calámonos, literalmente.

Paramos a encher na gasolineira do ponte das Pias e regresou Fernando de volta, así que Ricardo e eu, continuamos baixo o intenso chuvieiro ata o cruzamento de Os Condes, en Bergondo dende onde regresou a casa.

Menos mal que, uns cantos quilómetros antes, xa parara de chover.

Encantado de coñecerte Fernando, moitísimas grazas a Ricardo e, dende aquí, animo a todos os scooteristas ártabros, para que empecemos a realizar saídas tan boas como a do pasado domingo.

PD: O único que se me esqueceu foi sacar unha foto dos tres para certificar a saída, son un desastre síntoo.

Onde si saque fotos foi no ExpoClásicos, o cal, particularmente, sorprendeume bastante, xa que había moitísimos coches e unha decena de motos cunha organización excelente.







Tedes o resto de fotos neste enlace

Vespa & Lambretta dende Culleredo > A Coruña > Galicia > España

Saida a Ferrol

Pois ao final, non xuntamos uns cantos para facer unha saída e, en principio, achegarnos a Ferrol, coa escusa do Expoclásicos.

A saida será dende Sada ás 10 h da mañá do domingo, 9 de novembro.

O punto de encontro será diante de La Terraza, este edificio tan embremático:

Xa sabedes presentacións, cafetiño e arrancamos.

A ruta a seguir será a seguinte:

Pouca cousa para comezar, uns 36 quilómetros, pero iso non quita que fagamos máis ruta pola zona de Ferrol, xa iremos vendo.

Estades todos invitados e espero que, con este tipo de acontecementos, empécese a mover o movemento scooterista no Norte de Galicia.

Vespa & Lambretta dende Culleredo > A Coruña > Galicia > España

Expoclásicos en Ferrol, do 7 ao 9 de Novembro

Acábome de enterar, grazas ao foro de Vespeinados.com, que esta fin de semana celébrase na FEIRA INTERNACIONAL DE MOSTRAS DO NOROESTE (FIMO) en Ferrol Expoclásicos, I Salón Internacional de Vehículos e Motocicletas de Época

Segundo dise na web de FIMO:

""O I Salón de Vehículos e Motocicletas de Época, Expoclásicos 2008, abrirá as súas portas ao público o venres, día 7 de Novembro no recinto feiral de Ferrol ás 16:30 horas.

O Horario para o resto do fin de semana será o seguinte:

Sábado, 8 de Novembro --> 11:00 a 14:00 e de 16:30 a 20:30 horas
Domingo, 9 de Novembro --> 11:00 a 14:00 e de 16:30 a 20:30 horas"

Contan coa participación de firmas comerciais do sector, tanto os dedicados especificamente a compra-venda de automóbiles e motocicletas de época como aos accesorios, recambios e complementos orixinais, o coleccionismo, etc.

Os clubs e colectivos de afeccionados aos vehículos clásicos terán tamén o seu espazo no certame.

Estase medio preparando unha saída o sábado, dos scooteristas da zona Ártabra (Betanzos, Coruña, Culleredo, Ferrol, Sada, ...) para asistir a este certame.

+info: Foro de Vespeinados.com

PD: Non vos olvidedes que este fin de semana é o mercadillo e exposición de motos antigas en Goian (Pontevedra), tal e como xa vos dixera neste post.

Vespa & Lambretta dende Culleredo > A Coruña > Galicia > España

Esto ... un tema

que diría Willy Toledo.

Mellor dito dous temas, pero dous Temas para os teléfonos Nokia e como non ¿a qué están adicados? Pois claro, os scooters.

Neste caso son dous Temas de Nokia que fixen sobre a Vespa e aproximadamente verianse así no terminal. O primeiro:


e o segundo:


Están dispoñibles para seres descarregados neste enlace.

Unha vez descomprimido o archivo, tedes que cargar o archivo do tema (extensión .nth) no terminal (vos veredes como: bluetooth, cable link, ou como sexa) e aplicar o tema.

Os scooters clásicos seguen pisando forte e adaptanse coma ningún os avances tecnolóxicos.

E coma sempre, unha imaxen vale máis que mil palabras:


Vespa & Lambretta dedde Culleredo > A Coruña > Galicia > España

Formula 1, Alonso 5º

Finalmente rematou a tempada de Formula 1 e menos de regular, pódese describir de calquera outra xeito.

Non se esperaba Hamilton este desenlace final.

Esta vez non houbo fallo cos botóns nin equivocacións pola inexperiencia, porque perder un mundial por un erro infantil xa sabe o que é.

Menos mal que a desición de non cambiar neumáticos no último suspiro non se lle ocurriu a el e tivo a sorte de saír beneficiado.

Hai que darlle os

!!! Parabéns ao campión !!!

Síntoo por Massa, non me estraña que chorase desconsolado.

Ao noso asturianu pois nada, a esperar ao ano que vén, o único darlle un consello (xa que son gratis), a próxima vez que lle digan que ten que facer un anuncio, no que lle adianta ata a avoa no tacataca, mellor que so pense.

Parece que foi premoritorio por parte dos de ING, pero a parte boa é que nos ofreceron unha preciosa Vespa vermella con sidecar, que tamén adianta ao Renault:




Este e o anuncio:

E aquí tedes o enlace.

No fondo foi unha mágoa que o campionato non durase catro ou cinco carreiras máis xa que o final de tempada de Alonso foi o dun bi-campión, e o seu quinto posto así o demostra.

Veremos que nos depara a próxima tempada, que por certo, xa que comprou os dereitos de emisión La Sexta, gozarémolo os que esteamos "antenizados".

Xa estou oíndo as retransmisións: "... tiqui, taca, Lobato, tiqui, taca".

Vespa & Lambretta dende Culleredo > A Coruña > Galicia > España