3ª Feira do Val Miñor de Vehículos Clásicos

Para ir facendo plans para o fin de semana, o sábado e domingo celébrase no pavillón de Gondomar (Pontevedra), a 3ª edición da Feira do Val Miñor de Vehículos Clásicos.

Segundo a organización din na súa web que haberá todo tipo de recambios tanto para coches como para motos.

Disporán de venda de vehículos clasicos, se hai alguén interesado en vender o seu clásico contacta con eles (info@clasicosvalminor.com)

A entrada será totalmente GRATUÍTA e disporán dun aparcadoiro reservado para clásicos.

Se algún recambista quere pór unha caseta ou se alguén necesita buscar aloxamento ou calquera información contacta con eles, que estarán encantados de axudarvos.

+ info:

- Club de Clásicos e populares Val Miñor

Vespa & Lambretta dende Culleredo > A Coruña > Galicia > España

Marypaz on Vespa

O outro día, mentres esperaba que se me cargase un vídeo, vin este anuncio das zapaterías Marypaz que se apuntan á moda de utilizar unha Vespa como reclamo publicitario, no seu novo anuncio da colección primaveira/verán 2011:




+ info:

- Marypaz.com



Vespa & Lambretta dende Culleredo > A Coruña > Galicia > España

65 anos de historia da escúter máis famosa do mundo

Este é o título do seguinte artigo, publicado o pasado domingo 1 maio no suplemento Extra Voz de La Voz de Galicia.

Podedes picar nas imaxes seguintes para velas máis grandes:

---

Hai que aplaudir a Oscar Ayerra, autor dos textos e a infografía polo laborioso traballo de investigación que realizou (e teño noticias de que foi moi laborioso), para poder plasmar tan claramente os 65 anos de Vespa.

Vespa & Lambretta dende Culleredo > A Coruña > Galicia > España

Obxetivo solidario Europa de Costa a Costa

La Asociación Moteros sin Fronteras, organizan unha ruta cultural e solidaria, que terá lugar o próximo domingo 8 de maio, desde Vigo ata Santiago, baixo a denominación Obxectivo solidario Europa de Costa a Costa.


Na ruta, que arrincará ás 9:30 horas desde o centro comercial Travesía de Vigo, espérase a participación de 500 motocicletas e discorrerá por:

• A estrada de Vilaboa (N-554), cara a San Adrián de Cobres para enlazar coa N-550 en Vilaboa.

• Continuará cara a Figueirido e ata chegar á rotonda de entrada a Pontevedra.
  Tomarase a circunvalación ata a Avda. de Compostela que enlaza de novo coa N-550.

• Continuarase por esa estrada ata Caldas de Reis e alí virarase cara á N-640 dirección Cuntis.

• En Portela deixarase a N-640 e collerase pola PO-2008 para ir polas parroquias de San Andrés e San Xulián dirección Pontevea (A Coruña).

• Continuarase pola PO-2008 ata enlazar coa N-525, tomando a circunvalación para ir desde San Caetano á Praza do Obradoiro, estando prevista a chegada ás 12:00 horas.
  

O motivo desta ruta, que esta comprendido no Obxectivo Solidario Europa de Costa a Costa 2011 que rende homenaxe aos pilotos falecidos, pretende unha solución europea de mellora da seguridade viaria e achegar axuda solidaria ás persoas necesitadas dos paises europeos.

Un moi boa iniciativa, que é digna de mencionar e aplaudir...

Vespa & Lambretta dende Culleredo > A Coruña > Galicia > España

Efemérides: 28 de Abril, Vespa 1 millón

Esta imaxe corresponde ao anuncio da produción da Vespa 1 millón o 28 de abril de 1956.

Buff!!! 55 anos e a Vespa segue sendo o escúter máis vendido do mundo, increible que logo de tantos anos non cambie practicamente a esencia destas marabillas...

¡¡¡e xa superaron os 17 millóns de unidades!!!

Parabéns e a cumprir outros 100 máis !!!!

Vespa & Lambretta dende Culleredo > A Coruña > Galicia > España

Fotos da V Ruta internacional Motos Antigas "Terras de Padrón"

Aproveitando o domingo día 1 de maio, cando regresaba de Portonovo, paseime por Padrón, para realizar unha pequena reportaxe fotográfica dos participantes na V Ruta internacional Motos Antigas "Terras de Padrón", así que me fun ata o hotel-restaurante onde ían xantar e, logo de esperar por eles un ratiño, este é o resultado:

Coma sempre os portugueses non nos deixan indiferentes coas súas peculiares máquinas.




Tendes todalas fotos neste album Picasa:



Vespa & Lambretta dende Culleredo > A Coruña > Galicia > España

Crónica da 1ª Vesparraiada en Portonovo

Só pódovos dicir unha cousa e foi un comentario xeneralizado: "Cágome nos de meteoroloxía e na nai que os paríu!!!"

Buff que ben me quedei.

Logo de dicirnos durante toda a semana que ían caer chuvascos a mares durante todo o fin de semana, finalmente tivemos sol e calor o venres (queimeime os antebrazos mentres baixaba a Portonovo), sol e máis calor o sábado e o mesmo o domingo.

A xornada do sábado comezou ben tempraniño, montando a caseta de inscricións ás 10 e empezando a recibir aos máis madrugadores sobre as 11, a cousa pintaba ben....

Logo dun par de horas a chaira que tiñamos reservada empezábase a encher de xolliñas das 2 rodas mentres algúns dos participantes paseaban por Portonovo dando boa conta dos seus locais de lecer.


Ás 14:30 tal e como estaba previsto, comezamos co xantar na carpa da Festa dá Raia, entrantes a base dunha exquisita empanada e embutidos variados, unha caldeirada de raia moi boa, tenreira estofada e unha torta tiramisú que... bo, deixábase comer.

Comezamos tarde (coma sempre) coa entrega de trofeos aos clubes participantes:

Motos Vellas do Salnes, Avistpado, Achispados, A Estrada, SQM de Vilagarcía, A Condesa de Pontevedra, Vespeinados e como non, Golfos Artabros, así como a algúns participantes máis notables, como os agradecementos a Swin (Fontán) por axudarnos durante todo o evento, a David, que veu con toda a familia desde Cantabria, pasando despois ás máquinas e os seus pilotos, moto máis antiga unha Vespa 125 do ano 1961 chegada desde Vigo, o piloto chegado desde máis lonxe, desde Verín (Ourense), a moto máis destacable das que alí apareceron, unha Vespa Super Sport Martini, de Rafa, e unha mención especial ao noso amigo Eugenio por levarse o premio número 13 ao gafe, por quedarse tirado ca sua 150 en Santiago cando acudía ao evento.

Despois pasamos ao sorteo de agasallos que o fixemos a carallo sacado porque eran moitos (e así estiveron mellor repartidos) e tiñamos que irnos á ruta pero xa...

Tendes neste album todas as fotos dos agraciados dos premios e sorteo, así coma algunhas do xantar e a ruta:



De ruta ata O Grove onde collemos un barco con visión submarina onde gozamos dun agradable paseo pola ria, degustación de viño e mexillóns, e festa cos grandes exitos das gasoliñeiras de España.

Despues de regreso a Portonovo, paramos no alto do monte Siralleira, para gozar das vistas e facernos unha peculiar foto de grupo...

E desde alí xa empezamos a desperdigarnos, aínda que a gran mayoria, démonos unha boa volta por Sanxenxo e Portonovo, montando espéctaculo para goce e goce da xente que nos vía pasar...

E despues de regresar á chaira portuaria de Portonovo, empezámonos a despedir coa esperanza de que o ano que vén este peculiar evento perdure no tempo...

Despúes uns cantos nos fomos a cear e a gozar da noite de Portonovo ... pero iso é outra historia...

O resto de fotos dos participantes neste album Picasa:



Vespa & Lambretta dende Culleredo > A Coruña > Galicia > España